Fróðleikur um íslensku jólasveinana
Hátt uppi í fjöllunum, bjuggu eitt sinn þrettán bræður. Þeir voru engir venjulegir bræður - ónei! Þeir voru íslensku jólasveinarnir og voru raunar dálítið sérstakir. Þessir jólasveinar voru miklir prakkarar og þekktir fyrir að koma ofan úr fjöllum með tröllslegum látum og gera skammarstrik skömmu fyrir jólin. Einn elskaði skyr, annar hangikjöt, og enn öðrum fannst ekkert skemmtilegra en að skella hurðum þegar allir voru sofnaðir!
